Српскиот министер за образование Бранко Ружиќ поднесе неотповиклива оставка
- Министерот за образование на Србија, Бранко Ружиќ поднесе до премиерката Ана Брнабиќ неотповиклива оставка, јави дописникот на МИА од Белград.
![Српскиот министер за образование Бранко Ружиќ поднесе неотповиклива оставка](https://new.mia.mk/index.php/images/20230507195413_big_730x400_93.webp )
Белград, 7 мај 2023 (МИА) – Министерот за образование на Србија, Бранко Ружиќ поднесе до премиерката Ана Брнабиќ неотповиклива оставка, јави дописникот на МИА од Белград.
-Во светот на катаклизмична трагедија која ја задеси нашата држава и граѓаните и граѓаните во ОУ Владислав Рибникар, користам можност уште еднаш во неискажана болка да изразам најдлабоко сочувство на најмилите на настраданите, малите ангели да почиваат во мир и Господ да ни е на помош, ова никогаш повеќе да не се повтори, порача во оставката Ружиќ.
Драматичните слики на настаните, солзите при изразувањето на сочувство, наведе тој, доживотно ќе ги носам како печат на душата.
-Како одговорен човек, воспитан, професионален во извршувањето на своите јавни должности, како родител и граѓанин на Република Србија, врз основа на член 23 од Законот за Влада, донесов рационална и чесна одлука. Поднесувам неотповиклива оставка на местото министер за образование во Владата на Република Србија, стои во оставката на Ружиќ.об/лв/