Скопје, 2 ноември 2022 (МИА) - Министерот за економија Крешник Бектеши и генералниот директор на АД ЕСМ Васко Ковачевски денеска ќе престојувааат во работна посета на РЕК Осломеј во Кичево каде што ќе извршат обиколка на термоелектраната и ќе го посетат новото рудно наоѓалиште во рамките на РЕК Осломеј. На старите рудни наоѓалишта на РЕК Осломеј веќе е изградена фотонапонска електрана со моќност од 10 мегавати во сопственост на ЕСМ, а се планира изградба по пат на јавно приватно партнерство на уште две такви електрани со моќност од по 50 мегавати. За следната година ЕСМ најави дека планира да изгради уште една 10 мегаватна соларна електрана на старите рудни наоѓалишта во РЕК Осломеј.вј/са/