Минатата година украдени криптовалути во вредност од околу 300 милиони долари
- Во дванаесет големи хакерски напада врз берзите за трговија со дигитални валути минатата година се украдени криптовалути во вредност од над 292 милиони долари.
![Минатата година украдени криптовалути во вредност од околу 300 милиони долари](https://new.mia.mk/index.php/images/20221102115459_big_730x400_48.webp )
Лондон, 10 јануари 2020 (МИА) - Во дванаесет големи хакерски напада врз берзите за трговија со дигитални валути минатата година се украдени криптовалути во вредност од над 292 милиони долари.
Само во еден напад, врз сингапурскиот КоинБене, кој се случи минатиот март, се украдени криптовалути чија вредност се проценува на околу 105 милиони долари.
Во текот на 2019 година, 11 напади резултирале со кражба на имот, додека во еден напад врз израелскиот сајт Коинмама се украдени 510.000 кориснички податоци. гт/