Милик и Љоренте во јануари си заминуваат од Наполи
- Директорот на Наполи, Кристијано Џунтоли изјави дека напаѓачите Аркадиуш Милик и Фернандо Љоренте ќе го напуштат клубот во претстојниот трансфер прозорец.
![Милик и Љоренте во јануари си заминуваат од Наполи](https://new.mia.mk/index.php/images/20221105143220_big_730x400_90.webp )
Неапол, 21 декември 2020 (МИА) - Директорот на Наполи, Кристијано Џунтоли изјави дека напаѓачите Аркадиуш Милик и Фернандо Љоренте ќе го напуштат клубот во претстојниот трансфер прозорец.
- Преодниот рок е проблем за сите. Имаме напаѓач кој многу клубови би сакале да го видат во своите редови, па ќе видиме што ќе се случи понатаму. Милик сака да игра за да биде подготвен за Европското првенство. Тоа е она што тој го сака. И Љоренте има големи шанси да си замине. Што се однесува до засилувања, во овој момент не размислуваме за таа опција, истакна Џунтоли.
Претходно беше објавено дека за Милик е заинтересиран Јувентус, додека најверојатно, Љоренте ќе потпише за Сампдорија, а за него интерес покажува и Милан. зс/