Вашингтон, 15 декември 2023 (МИА) - Американскиот државен секретар Ентони Блинкен редовно разговара за нормализација на односите меѓу Ерменија и Азербејџан со турскиот министер за надворешни работи Хакан Фидан, изјави портпаролот на американскиот Стејт департмент Метју Милер.

„Ќе кажам дека во сите разговори (или сите разговори меѓу државниот секретар Блинкен и министерот за надворешни работи Фидан) ова е тема што се појавува. Нема да давам детали, но тоа е нешто што редовно разговараат лично и телефонски “, рече Милер.

Тој се осврна на вчерашната изјава на Фидан во Баку, кој рече дека верува дека Ерменија и Азербејџан се поблиску од кога било до мировен договор.

„Ја поздравуваме продуктивната улога на Турција во решавањето на овој конфликт. Се согласуваме со она што го рече министерот за надворешни работи дека мирот е можен и ќе ги поддржиме директните преговори меѓу двете страни за да се постигне тоа“, додаде Милер. паг/

Фото: МИА архива