Милан сака да го ангажира Пулишиќ од Челзи
- За напаѓачот на Челзи, Кристијан Пулишиќ се заинтересира Милан, пренесува „Marca“.
![Милан сака да го ангажира Пулишиќ од Челзи](https://new.mia.mk/index.php/images/20230124205827_big_730x400_55.webp )
Милано, 24 јануари 2023 (МИА) – За напаѓачот на Челзи, Кристијан Пулишиќ се заинтересира Милан, пренесува „Marca“.
Тренерот на „сините“ Греам Потер нема планови за 24-годишниот фудбалер во иднина, па летово ќе му биде дозволено да бара нов клуб.
Милан веќе почна да работи на потенцијален потпис на Американецот. Ситуацијата на фудбалерот ја следат и Њукасл, Манчестер јунајтед и Арсенал.
Пулишиќ оваа сезона забележа 21 настап за сините во сите натпреварувања, постигнувајќи еден гол и две асистенции.
Порталот „Трансфермаркт“ ја проценува вредноста на американскиот репрезентативец на 38 милиони евра. зс/