3 февруари 2026

Дубаи - Започнува Светскиот самит на влади 2026 (World Governments Summit 2026), што ќе ги собере шефовите на држави, меѓународни организации и лидерите на приватниот сектор на тема „Обликување на владите на утрешнината“, со фокус на меѓународната соработка во соочувањето со технолошките и социјалните предизвици.

Брисел - Средба на министрите од Западен Балкан со претставници на Европската комисија за проблемот со условите за работа на превозниците од регионот на територијата на ЕУ.

Осло - Високата претставничка на ЕУ за надворешна политика и безбедност, Каја Калас, која е во посета на Норвешка, ќе се сретне со норвешкиот министер за надворешни работи, Еспен Барт Ајде, и ќе учествува на конференцијата „Арктички граници 2026“, а ќе разговара и со министерката за надворешни работи на Гренланд, Вивијан Мотсфелд.

Мадрид - Претседателката на Европскиот парламент, Роберта Мецола, е во Мадрид, каде што ќе разговара со претставници на младите и ќе се обрати пред шпанскиот Парламент.

Лондон - Британскиот кралски институт за меѓународни односи, Чатам Хаус, организира вебинар насловен „Политички визии за Палестина: по прекинот на огнот и Одборот за мир на Трамп“.