Лондон, 10 јули 2023 (МИА) - Натпреварот од четвртото коло на Вимблдон меѓу Србинот Новак Ѓоковиќ и Полјакот Хуберт Хуркач ќе се доигра денес.

Мечот синоќа беше прекинат поради паѓање мрак по вториот сет. При прекинот Ѓоковиќ има водство со 2:0, по сетови 7:6 (8:6) и 7:6 (8:6).

Времето кога ќе продолжи средбата ќе биде објавено подоцна во текот на денот.

Победникот од овој меч во четвртфиналето ќе се соочи со Русинот Андреј Рубљев. зс/

Фото: ЕПА