Пекинг, 26 јули 2024 (МИА) -  Италијанската премиерка Џорџа Мелони денеска пристигнува во Кина во официјална петдневна посета  што ќе трае до 31 јули, соопшти денеска портпаролот на Министерството за надворешни работи на таа азиска земја, Мао Нинг. Тоа е прва посета на Мелони на азиската земја откако ја презеде власта во 2022 година.

„ Мелони ќе престојува во официјална посета на Кина од 27 до 31 јули“, наведе Мао Нинг во коминике.

„Џорџа Мелони ќе се сретне со кинескиот претседател Си Џинпинг и премиерот Ли Кианг, рече портпаролката на нејзината редовна прес-конференција.

„Таа посета ќе овозможи „продлабочување на практичната соработка и културната размена“ и „промовирање на стабилен и долгорочен развој на кинеско-италијанските и кинеско-европските односи“, нагласи Мао Нинг.

Италијанскиот производител на гуми Пирели, енергетскиот гигант Ени, компанијата за оружје Леонардо и некои италијански компании за луксузна стока, вклучително и Долче и Габана, се меѓу поканетите да учествуваат на италијанско-кинескиот бизнис форум, кој ќе се одржи во Пекинг во недела (28 јули) и. Понеделник (29 јули).

Во 2019 година, Италија стана единствената земја од Г7 што се приклучи на кинескиот трговски и инфраструктурен проект познат како „Еден појас, еден пат“, но се повлече минатата година под притисок на САД поради загриженоста за зголемување на економската моќ на Пекинг.

Владата на Мелони рече дека договорот не е од корист за Италија, чија годишна трговија со Кина е вредна 73,9 милијарди евра, според најновите податоци.

За време на посетата на Мелони се очекува да бидат потпишани билатерални трговски и индустриски договори, изјави друг информиран извор, без да наведе повеќе детали.

Уште еден од панелите на бизнис форумот ќе биде посветен на автомобилскиот сектор.зш/