„Мајкрософт“ ја претстави новата конзола „Икс-бокс Серија С“
- Новиот модел има еден терабајт ССД-меморија во однос на стандардниот кој нуди половина - 512 гигабајти, а целото куќиште е во црна боја и доаѓа со црн контролер. Цената на новата конзола е 349 долари.
![„Мајкрософт“ ја претстави новата конзола „Икс-бокс Серија С“](https://new.mia.mk/index.php/images/20230613124124_big_730x400_77.webp )
Лос Анџелес, 14 јуни 2023 (МИА) - „Мајкрософт“ официјално ја претстави новата „Икс-бокс“ конзола за игри, наречена „Серија С“, според наводите - понапредна и со пристапни цени.
Новиот модел има еден терабајт ССД-меморија во однос на стандардниот кој нуди половина - 512 гигабајти, а целото куќиште е во црна боја и доаѓа со црн контролер. Цената на новата конзола е 349 долари - 50 долари повеќе од моделот со 512 ГБ. Продажбата почнува на 1 септември.
Покрај новата опција за повеќе меморија, „Икс-бокс доби и нов џојстик и слушалки. Џојстикот се одликува со комбинација од бели и сиви нијанси со црвени мотиви. Д-падот е златен, а копчињата на рамките се проѕирни.
Цената на џојстикот е 80 долари, а слушалките чинат 130 долари. си/
Фото: Официјална интернет-страница на Икс-бокс.