„Мајкрософт“ најави можности за игри на „Тимс“
- „Хало“ и „Форца“ нема да може да се играат преку „Тимс“ засега, но потегот на „Мајкрософт“ јасно покажува дека се обидуваат да го подобрат користењето на оваа програма. Покрај деловната комун
![„Мајкрософт“ најави можности за игри на „Тимс“](https://new.mia.mk/index.php/images/20230728100751_big_730x400_77.webp )
Стокхолм, 15 јуни 2022 (МИА) - „Мајкрософт“ работи на тоа да ги направи и видеоигрите достапни преку својата услуга „Мајкрософт тимс“. Според извори блиски до компанијата, таму почнале со тестирање игри како „Солитер“, „Конеклт 4“ и „Вордамент“ во рамките на платформата за интернет-комуникација.
Јасно е дека игрите како „Хало“ и „Форца“ нема да може да се играат преку „Тимс“ засега, но потегот на „Мајкрософт“ јасно покажува дека се обидуваат да го подобрат користењето на оваа програма. Покрај деловната комуникација, целта е да се понуди и забава, односно да се урамнотежат потребите од далечинско работење.
Засега се тестираат само едноставни „кажуал гејмс“ игри, па и не е сигурно дека ќе им биде понудена интеграција на корисниците. Засега нема официјален коментар од компанијата.
Дополнително, „Мајкрософт“ размислува за виртуелен простор во „Тимс“ како дел од евентуален метаверзум, а претходно беа објавени и новитети за 3-Д аватари и неколку други нови искуства. Компанијата континуирано додава новитети во далечинското работење. си/