Рим, 13 јуни 2022 (МИА) - Фудбалерот од средниот ред Немања Матиќ е блиску до преминување во Рома.

Италијанските медиуми објавија дека 33-годишниот Србин денес ќе оди на лекарски преглед во Италија, по што ќе замине да потпише договор со римскиот клуб.

Договорот на Матиќ се очекува да биде на една година со опција за продолжување на уште една сезона.

Матиќ игра за Манчестер Јунајтед од јули 2017 година. Во сезоната 2021/22, играчот од средниот ред направи четири асистенции во 32 натпревари за тимот.

Претходно англискиот клуб излезе со соопштение дека нема да го продолжи договорот со Матиќ кој е со важност до крајот на овој месец. зс/