Марсеј го објави назначувањето на Де Зерби
- Марсеј и официјално соопшти дека за главен тренер на тимот е назначен Роберто Де Зерби. 45-годишниот Италијанец потпиша тригодишен договор со францускиот клуб.
![Марсеј го објави назначувањето на Де Зерби](https://new.mia.mk/index.php/images/20240630121709_big_730x400_90.webp )
Марсеј, 30 јуни 2024 (МИА) - Марсеј и официјално соопшти дека за главен тренер на тимот е назначен Роберто Де Зерби. 45-годишниот Италијанец потпиша тригодишен договор со францускиот клуб.
Од Марсеј пред неколку дена открија дека имаат начелен договор со стручњакот, но веќе се разјаснети сите детали од договорот и од вчера тој е нов тренер на тимот од југот на Франција.
Де Зерби го напушти Брајтон на крајот од минатата сезона. Тој импресионираше со својата работа во англискиот шампионат и влезе во видното поле на голем број европски гиганти.
На крајот никој од нив не избра да се обложи на него и тој заврши во Марсеј. дс
Фото: Твитер/Марсеј