Марка: Гарсија доби отказ, Роналдо ќе има нов тренер во Ал-Наср
- Францускиот тренер Руди Гарсија доби отказ од Ал-Наср, објави „Марка“.
![Марка: Гарсија доби отказ, Роналдо ќе има нов тренер во Ал-Наср](https://new.mia.mk/index.php/images/20230412092809_big_730x400_21.webp )
Ријад, 12 април 2023 (МИА) - Францускиот тренер Руди Гарсија доби отказ од Ал-Наср, објави „Марка“.
Според шпанскиот весник, Гарсија добил отказ поради лошите резултати на тимот и особено лошите односи со фудбалерите. Трпението на саудиските менаџери „пукна“ кога Гарсија влезе во расправија со играчите во соблекувалната, што беше поттик за неговото конечно бркање.
Се известува и дека Гарсија не ги оправда очекувањата на раководството. Ал-Наср е на второто место во поредокот, со три бода помалку од Ал-Итихад на седум кола до крајот на шампионатот.
Претходно беше објавено дека напаѓачот на Ал-Наср, Кристијано Роналдо е незадоволен од тренерот Гарсија и играта што ја демонстрира тимот.
Специјалист беше на чело на Ал-Наср во летото 2022 година. зс/
Фото: ЕПА