Марио Драги на средба со Бајден во Вашингтон на 10 мај
- Италијанскиот премиер Марио Драги на 10 мај ќе отпатува за Вашингтон на средба со американскиот претседател Џо Бајден, соопшти прес-службата на италијанскиот премиер.
![Марио Драги на средба со Бајден во Вашингтон на 10 мај](https://new.mia.mk/index.php/images/20221113120609_big_730x400_50.webp )
Рим, 27 април 2022 (МИА) - Италијанскиот премиер Марио Драги на 10 мај ќе отпатува за Вашингтон на средба со американскиот претседател Џо Бајден, соопшти прес-службата на италијанскиот премиер.
„Разговорите ќе се фокусираат на координирање на поддршката на сојузниците за Украина и спротивставување на неоправданата руска агресија“, се вели во соопштението.
Двајцата лиери ќе разговараат и за билатералната соработка, глобалните прашања како што се климатските промени, гарантирањето на трансатлантската безбедност и соработката во подготовките за состаноците на Г-7 и НАТО.
Тестот на Драги за коронавирус, со кој се зарази пред повеќе од 10 дена, беше негативен и тој денеска излезе од изолација. ссм/