Лондон, 25 јули 2024 (МИА) - Двократниот олимписки шампион Енди Мареј се повлече од турнирот во сингл на Игрите во Париз 2024, објави „Би-би-си“.

Според изворот, британскиот тенисер ќе игра во двојки со Ден Еванс.

Претходно, 37-годишниот Мареј најави дека претстојните Олимписки игри ќе бидат последниот турнир во неговата професионална кариера.

Во текот на кариерата, Британецот два пати го освои Вимблдон (2013, 2016) и еднаш УС Опен (2012). Вкупно има 46 титули на АТП турнирите. зс/

Фото: ЕПА