Марез играч на неделата во Лигата на шампионите
- Фудбалерот за врска на Манчестер сити, Ријад Марез е прогласен за играч на неделата во Лигата на шампионите.
![Марез играч на неделата во Лигата на шампионите](https://new.mia.mk/index.php/images/20221107031740_big_730x400_9.webp )
Нион, 7 мај 2021 (МИА) – Фудбалерот за врска на Манчестер сити, Ријад Марез е прогласен за играч на неделата во Лигата на шампионите.
Триесетгодишниот играч постигна два гола на мечот против Пари Сен-Жермен, додека „граѓаните“ победија со 2:0 и се пласираа во финалето на Лигата на шампионите.
Во конкуренција за признанието уште беа и дефанзивецот на Манчестер сити, Рубен Дијас, како и фудбалерите на Челзи, Нголо Канте и Каи Хаверц.
Манчестер сити и Челзи на 29 мај во Истанбул ќе одлучуваат кој ќе биде нов европски фудбалски шампион. зс/