Лондон, 22 септември 2022 (МИА) – Англискиот фудбалски гигант Манчестер јунајтед соопшти денеска дека остварил нето загуба од 115.5 милиони фунти во минатата сезона, иако приходите се зголемени за 18 отсто на 583.2 милиони фунти. 

Финансискиот извештај покажува дека загубата во однос на минатата година е зголемена за 23.3 милиони фунти. 

Клупскиот долг, исто така, пораснал од 419.5 милиони фунти минатата година на 514.9 милиони фунти оваа година. 

-Мисијата на нашиот клуб е да победуваме во фудбалските натпревари и да им нудиме забава на нашите навивачи, изјави директорот на клубот Ричард Арнолд. ег/паг/