Манчестер сити ќе донесе замена за Алварез
- Премиерлигашот Манчестер Сити најверојатно ќе потпише нов напаѓач кој ќе го замени заминатиот Хулијан Алварез, најави тренерот на англискиот првак Пеп Гвардиола.
![Манчестер сити ќе донесе замена за Алварез](https://new.mia.mk/index.php/images/20240810115522_big_730x400_6.webp )
Манчестер, 10 август 2024 (МИА) – Премиерлигашот Манчестер Сити најверојатно ќе донесе нов напаѓач кој ќе го замени заминатиот Хулијан Алварез, најави тренерот на англискиот првак Пеп Гвардиола.
Алварез ќе се пресели во Атлетико Мадрид, во трансфер што се проценува на 75 милиони евра плус дополнителни 20 милиони евра кои ќе бидат платени под одредени услови.
„Ќе видиме пред крајот на преодниот рок дали навистина ни треба уште еден напаѓач како резервна варијанта за Ерлинг Холанд. Ерлинг не треба да ги игра сите натпревари во распоредот што го имаме пред нас. Вреди да размислиме“, изјави Гвардиола. ег ФОТО: Икс