Манчестер сити постави рекорд во Премиер лигата
- Актуелниот англиски фудбалски шампион Манчестер сити победи на секој домашен натпревар во 2023 година.
![Манчестер сити постави рекорд во Премиер лигата](https://new.mia.mk/index.php/images/20231021192314_big_730x400_55.webp )
Манчестер, 21 октомври 2023 (МИА) – Актуелниот англиски фудбалски шампион Манчестер сити победи на секој домашен натпревар во 2023 година.
Избраниците на Пеп Гвардиола денеска го совладаа Брајтон (2:1) во 9. коло од Премиер лигата.
Последен пат Сити не победи на домашен терен на 31 декември 2022 година. Оттогаш победија на 21 натпревар одиграни на стадионот „Етихад“. Ова е рекордна серија за англиските тимови.
„Граѓаните“ следниот натпревар на домашен терен ќе го играат на 4 ноември – против Борнмаут. зс/
Фото: ЕПА