Малиар: Украинските сили постигнаа напредок во близина на Бахмут
- Украинските вооружени сили ги вратија клучните командни височини околу Бахмут и воспоставија контрола врз влезовите и излезите на уништениот град, додаде Малиар.
![Малиар: Украинските сили постигнаа напредок во близина на Бахмут](https://new.mia.mk/index.php/images/20230710181117_big_730x400_66.webp )
Киев, 10 јули 2023 (МИА) - Украинската заменик-министерка за одбрана Хана Малиар изјави дека во текот на изминатата недела, украинската Армија ја вратила контролата на околу 10,2 квадратни километри во јужна Украина и околу четири квадратни километри на исток, пренесоа британските медиуми.
-Покрај тоа, украинските вооружени сили ги вратија клучните командни височини околу Бахмут и воспоставија контрола врз влезовите и излезите на уништениот град, додаде Малиар.
Украинската армија соопшти дека од почетокот на контраофанзивата ја вратила контролата на речиси 169 квадратни километри на јужниот фронт и околу 24 квадратни километри во областа кај Бахмут.
-Сите сакаме да дејствуваме побрзо, бидејќи секој ден чини нови загуби за Украинците. Одиме напред. Не застанавме“ рече претседателот Володимир Зеленски во интервју за американска телевизија во пресрет на самитот на НАТО во Вилнус. мс/
фото: ЕПА