Макрон со лидерите од Сахел разговара за борбата против џихадистите
- Францускиот претседател Емануел Макрон и претседателите на Групата пет земји од Сахел се сретнаа денеска на југозападот од Франција каде разговараат за засилување на воената соработка во борб
![Макрон со лидерите од Сахел разговара за борбата против џихадистите](https://new.mia.mk/index.php/images/20221103164352_big_730x400_17.webp )
Париз, 13 јануари 2020 (МИА) - Францускиот претседател Емануел Макрон и претседателите на Групата пет земји од Сахел се сретнаа денеска на југозападот од Франција каде разговараат за засилување на воената соработка во борбата против џихадистите.
До средбата дојде откако САД соопштија дека ќе го намалат своето воено присуство во Африка.
Маркон и претседателите на Буркина Фасо, Мали, Мауританија, Нигер и Чад, пред почетокот на самитот положија цвеќе во знак на почит кон групата од 13 француски војници кои во ноември настрадаа во хеликоптерска несреќа во Мали, јавија американските медиуми.
По самитот е предвидена и работна вечера на која треба да им се приклучи и генералниот секретар на ОН, Антонио Гутереш, претседателот на Одборот на Африканската унија, Муса Факи, и претседателот на Европскиот совет, Шарл Мишел. сд/