Париз, 2 април 2025 (МИА) - Францускиот претседател Емануел Макрон денеска изјави дека судството е независно и дека сите граѓани имаат право на жалба, пренесува БФМ ТВ.

Макрон потсети на три факти поврзани со пресудата за лидерката на крајнодесничарската партија Национален собир, Марин Ле Пен, изјави владината портпаролка Софи Прима по завршувањето на Советот на министри.

Макрон посочи дека судството е независно, потоа дека заканите упатени кон судиите кои ја изрекле пресудата против Ле Пен се апсолутно неприфатливи и, конечно, дека секој има право на жалба и дека законот е ист за сите. рп/

Фото: МИА архива