Македонски филмови, Љубојна и Слаткаристика викендов на „Преспаленд"
- Во рамки на годинашното издание на мултимедијалниот фестивал „Преспаленд", викендов ќе се одржи Отворено кино со македонски филмови и концерти на македонски музички ѕвезди.
![Македонски филмови, Љубојна и Слаткаристика викендов на „Преспаленд](https://new.mia.mk/index.php/images/20221108002605_big_730x400_55.webp )
Скопје, 31 јули 2021 (МИА) - Во рамки на годинашното издание на мултимедијалниот фестивал „Преспаленд", викендов ќе се одржи Отворено кино со македонски филмови и концерти на македонски музички ѕвезди.
Во сабота, како што информираат организаторите на фестивалот, по повод одбележување на Преспанското советување, на Споменикот во Отешево под отворено небо ќе бидат прикажани филмовите „Балканот не е мртов" на Александар Поповски со почеток во 20:00 и „Џган" на Вардан Тозија во 22:00 часот.
![Балканот не е мртов - Преспаленд](/articles/images/makedonski-filmovi-ubo-na-i-slatkaristika-vikendov-na-prespalend/dkpR34LN4/placeholder.webp?use_watermark=0)
На 2 август, Илинден, пак, со почеток од 20:00 часот во Амфитеатарот во Ресен, концерт ќе одржи еден од најдобрите македонски етно состави- Љубојна, а по нив следува акустичен концерт на Слаткаристка.
Влезот за сите посетители е бесплатен. фф/ац/