Новиград, 22 ноември 2024 (МИА) – Македонската женска ракометна репрезентација загуби вечерва од домаќинот Хрватска со 18-26 во воведниот натпревар на Меѓународниот турнир „Кроација куп“ во Новиград.

Ова за избраничките на селекторот Кристијан Грчевски беше првиот тест пред Европското првенство кое од 28 ноември до 15 декември ќе се одржи во Унгарија, Австрија и Швајцарија, на кое Македонија во првата фаза ќе игра во Дебрецин против Швајцарија, Австрија и домаќинот Унгарија.

Најефикасна во македонските редови беше Ива Младеновска со три голови, а Матеа Чурлиновска на голот запиша три одбрани.

Македонската репрезентација в сабота во Новиград ќе играа против Србија. ег

ФОТО: РФМ