Македонските ракометари испуштија победа на гостувањето кај Чешка
- Македонската ракометна репрезентација вечерва одигра нерешено 24:24 со Чешка во Злин во првиот натпревар од пресметката за пласман на Светското првенство 2023.
![Македонските ракометари испуштија победа на гостувањето кај Чешка](https://new.mia.mk/index.php/images/20221112172651_big_730x400_81.webp )
Злин, 13 април 2022 (МИА) – Македонската ракометна репрезентација вечерва одигра нерешено 24:24 со Чешка во Злин во првиот натпревар од пресметката за пласман на Светското првенство 2023.
„Црвено-жолтите“ и покрај тоа што имаат поволен резултат пред возвратниот меч во Скопје, можат да жалат за испуштената победа, бидејќи на полувреме водеа со 13:10, во еден момент водеа со седум разлика (17:10), во повеќе наврати имаа водство од 4-6 гола.
Најефикасен во македонскиот национален тим беше Филип Талески со пет погодоци, Кирил Лазаров и Гоце Георгиевски дадоа по четири.
Реваншот е закажан за в недела во СЦ „Борис Трајковски“ со почеток во 19 часот. зс/