Македонските одбојкари со пораз од Јапонија го почнаа 47. издание на турнирот „Чајка“
- Македонската одбојкарска репрезентација вечерва во СЦ „Борис Трајковски“ во Скопје загуби од Јапонија со 0:3 (20:25, 18:25 и 20:25) во 1. коло на 47-то издание на меморијалниот одбојкарски турнир „Чајка“.
![Македонските одбојкари со пораз од Јапонија го почнаа 47. издание на турнирот „Чајка“](https://new.mia.mk/index.php/images/20230818221134_big_730x400_39.webp )
Скопје, 18 август 2023 (МИА) – Македонската одбојкарска репрезентација вечерва во СЦ „Борис Трајковски“ во Скопје загуби од Јапонија со 0:3 (20:25, 18:25 и 20:25) во 1. коло на 47-то издание на меморијалниот одбојкарски турнир „Чајка“.
„Црвено-жолтите“ беа немоќни да ја разбијат јапонската одбрана и како што рече по натпреварот капитенот Никола Ѓоргиев, „очигледно не ни одговара нивната игра“. Токму селекцијата на Јапонија изминатиот период спарингуваше со македонската репрезентација и забележа три победи во контролните средби.
На првиот денешен натпревар на „Чајка“, Египет ја победи Грција со 3:1.
Македонската репрезентација утревечер од 20:15 часот ќе игра со Египет, додека во терминот 17:30 ќе се соочат Јапонија и Грција. зс/