Македонските одбојкари со пораз од домаќинот Финска го почнаа Европското првенство
- Македонската одбојкарска репрезентација вечерва во Тампере загуби од Финска со 3:1.
![Македонските одбојкари со пораз од домаќинот Финска го почнаа Европското првенство](https://new.mia.mk/index.php/images/20221108153358_big_730x400_71.webp )
Тампере, 1 септември 2021 (МИА) – Македонската одбојкарска репрезентација вечерва во Тампере загуби од Финска со 3:1.
Првите два сета домаќините ги добија со убедливи 25:20 и 25:15. Во третиот сет Македонците славеа со 26:24, а во четвртиот домаќините беа поуспешни со 25:22.
По овој пораз, шансите на „црвено-жолтите“ за пласман во осминафиналето се значително намалени.
Ова беше дуел од Ц-групата која се игра во Тампере, а во неа учествуваат и Шпанија, Турција, Холандија и Русија.
На првиот денешен дуел на 32. евро-шампионатот, Летонија ја победи Естонија со 3:1. зс/