Македонските одбојкари со победа ја почнаа Балканијадата во Косово
- Македонската одбојкарска репрезентација до 20 години забележа победа над домаќинот Косово во првото коло на Балканското првенство.
![Македонските одбојкари со победа ја почнаа Балканијадата во Косово](https://new.mia.mk/index.php/images/20221107234427_big_730x400_23.webp )
Приштина, 21 јули 2021 (МИА) – Македонската одбојкарска репрезентација до 20 години забележа победа над домаќинот Косово во првото коло на Балканското првенство.
Вчеравечер во Приштина „црвено-жолтите“ славеа со 3:1, по сетови, 25:22, 21:25, 28:26 и 25:23.
На другите две средби на првиот ден од Балканијадата, Турција во четири сета славеше над Црна Гора, додека Бугарија во три сета беше убедлива против Албанија.
Македонските одбојкари вечер од 20:30 часот играат со Бугарија.
Другите двојки за 2. коло се: Црна Гора – Косово и Турција – Албанија. зс/