Македонската ракометна А-селекција поуспешна од ветераните
- Актуелните македонски ракометни репрезентативци и ветераните вечерва во СЦ „Борис Трајковски“ одиграа ревијалниот натпревар со хуманитарен карактер. Сите приходи од билетите за овој ракометно
![Македонската ракометна А-селекција поуспешна од ветераните](https://new.mia.mk/index.php/images/20230103220623_big_730x400_7.webp )
Скопје, 3 јануари 2023 (МИА) – Актуелните македонски ракометни репрезентативци и ветераните вечерва во СЦ „Борис Трајковски“ одиграа ревијалниот натпревар со хуманитарен карактер. Сите приходи од билетите за овој ракометно-музички спектакл „Сите ѕвезди“ ќе бидат донирани за СОС Детско село.
Победија актуелните репрезентативци со 25:21.
Пред полните тирбини (околу 6.000 гледачи) продефилираа поранешните репрезентативци Кирил Лазаров, Филип Миркуловски, Стојанче Стоилов, Наумче Мојсовски, Борко Ристовски и другите великани кои го носеа „црвено-жолтиот“ дрес изминатата деценија. Дваесет и двајцата поранешни репрезентативци од РФМ добија врамен дрес.
За најкорисен играч на натпреварот (МВП) е прогласен Ванчо Димовски.
Организаторот на настанот, Ракометната федерација на Македонија, уште еднаш ја покажа својата хуманитарна димензија со поддршката на најранливите, децата и младите без родителска грижа.
Настанот беше збогатен со музичките ѕвезди, Александар Митевски, Драган Спасов Дац, Кики, Некст Тајм, а шоуто го водеше Сашко Коцев.
Македонската репрезентација утре заминува за Пореч да ги продолжи подготовките за претстојниот Мундијал во Полска и Шведска. зс/