Копенхаген, 17 февруари 2021 (МИА) - Данската бродска група Маерск денеска соопшти дека ќе ги забрза плановите за декарбонизација на бродскиот контејнерски транспорт и првиот брод со неутрална емисија на јаглерод ќе почне да плови во 2023 година, седум години порано од претходно планираното. Маерск, која учествува со околу 80 проценти во глобалната трговија и има удел од околу 3,0 отсто во глобалната емисија на јагледрод, минатата година вети дека до 2030 година ќе има бродови и бродско гориво со нулта емисии на јаглерод. - Следејќи го брзиот напредок на технологијата и зголемената побарувачка на клиентите за одржлив синџир за снабдување, Маерск ќе ги забрза напорите за декарбонизација на својот морски бизнис и првиот брод со неутрална емисија на јаглерод ќе почне да плови во 2023 година, се наведува во соопштението на данската бродска компанија. Бродот како гориво ќе користи метанол. - нашата амбиција е да имаме карбонски неутрална флота до 2050 година. Кога тоа го најавивме во 2018 година звучеше како лет на Месечина, но денес тоа го сметаме за предизвик и достижна цел што треба да се оствари, се посочува во соопштението на Маерск.  ми/