Мадиќ од Загреб: Европа е нашата иднина, нема да се откажеме од европскиот пат
- Мора да бидеме обединети сега повеќе од кога било, особено во заштитата на нашата безбедност и почитувањето на владеењето на правото. Да се фокусираме на спроведување на клучните реформи и да докажеме дека кај земјите од Западен Балкан е присутна волјата да ги прифати европските амбиции и дух. За да одат напред земјите од Западен Балкан, потребно е ЕУ да стои цврство на својот став околу политиката на проширување, а со тоа и да одговори на нашите предизвици, односно да биде подинамична со јасен стратегиски концепт, а од друга страна да продолжи процесот на обезбедување огромна поддршка на земјите од Западен Балкан, порача заменик-министерот за правда, Викторија Аврамовска Мадиќ која учествува на дводневната меѓународна Конференција „Иднината на проширувањето на ЕУ: Правосудство и темелни права” што се одржува во Загреб.
![Мадиќ од Загреб: Европа е нашата иднина, нема да се откажеме од европскиот пат](https://new.mia.mk/index.php/images/20240219154139_big_730x400_66.webp )
Скопје, 19 февруари 2024 (МИА) - Мора да бидеме обединети сега повеќе од кога било, особено во заштитата на нашата безбедност и почитувањето на владеењето на правото. Да се фокусираме на спроведување на клучните реформи и да докажеме дека кај земјите од Западен Балкан е присутна волјата да ги прифати европските амбиции и дух. За да одат напред земјите од Западен Балкан, потребно е ЕУ да стои цврство на својот став околу политиката на проширување, а со тоа и да одговори на нашите предизвици, односно да биде подинамична со јасен стратегиски концепт, а од друга страна да продолжи процесот на обезбедување огромна поддршка на земјите од Западен Балкан, порача заменик-министерот за правда, Викторија Аврамовска Мадиќ која учествува на дводневната меѓународна Конференција „Иднината на проширувањето на ЕУ: Правосудство и темелни права” што се одржува во Загреб.
Во присуство на голем број министри за правда на земјите канидадати и потенцијални кандидати од Западен Балкан, Мадиќ во своето обраќање се осврна на приоритетите на нашата држава и проширувањето на ЕУ кој е еден од најважните процеси кои се клучни за нашата иднина.
Како што информира Министерството за правда, Мадиќ ја поздрави иницијативата на Европската Унија за вклучување на Република Северна Македонија во Извештајот за владеење на правото како инструмент за рана детекција или превенција на предизвиците со владеењето на правото. Овој чекор на ЕУ, рече, претставува воспоставување еднаква основа со земјите-членки во однос на следењето на тековните реформи и ќе биде од особено значење за нас во процесот на забрзана интеграција.
-Република Северна Македонија изминатиот период успеа да се избори за значително подобрување на односите со соседите, враќање на довербата во правосудниот систем и постигнување поголем економски и културен развој. Во Скрининг Извештајот за Првиот кластер - Фундаментални вредности е дадена оценка на степенот на подготвеност и усогласеност на националното законодавство. Интензивно сме посветени со сите наши капацитети за подготовка на Патоказот за Владеење на правото кој ќе ги исцрта насоките на реформите и мерките до нашата крајна цел - завршување на преговорите до 2030 година, истакна Мадиќ. мч/дма/
фото: Министерство за правда