ЛШ: Баерн победи во Москва, Интер ремизираше во Киев
- Баварците рано поведоа по голот на Леон Горетцка во 13-тата минута, а потоа ја погодија гредата и промашија уште една чиста позиција.
![ЛШ: Баерн победи во Москва, Интер ремизираше во Киев](https://new.mia.mk/index.php/images/20221104233115_big_730x400_21.webp )
Москва, 27 октомври 2020 (МИА) - Европскиот клупски шампион Баерн (Минхен) ја оствари 13-тата последователна победа во Лигата на шампионите и втора во групата „А“, откако со 2:1 победи како гостин во Локомотив (Москва).
Баварците рано поведоа по голот на Леон Горетцка во 13-тата минута, а потоа ја погодија гредата и промашија уште една чиста позиција.
Во поголемиот дел од второто полувреме, сепак тимот на Ханси Фликс играше опуштено и „железничарите“ го искористија ова и израмнија во 70-тата минута, по што имаа две шанси дури и да го свртат целосно резултатот.
Сепак, Баерн успеа да постигнеуспех и да ја продолжи серијата победи по убавиот погодок на Џошуа Кимих на 20 минути пред крајот.
Интер пак запиша второ последователно реми во групната фаза од Лигата на шампионите. „Нероазурите“ одиграа 0: 0 на гостувањето во Киев кај Шахтјор и нивната ситуација во групата изгледа прилично комплицирана, со оглед на тоа што ќе имаат два меча со Реал Мадрид.
Екипата на Антонио Конте доминираше во текот на целиот натпревар, а поголема предност имаа во првото полувреме.
Сепак, Италијанците не ги реализираа своите позиции. Лукаку и Барела погодија греда, а по паузата Лаутаро Мартинез направи големо промашување.