Милано, 20 февруари 2024 (МИА) - Напаѓачот Марко Арнаутовиќ пропушти две одлични шанси, но го постигна победничкиот гол за Интер во победата од 1:0 над Атлетико Мадрид во првиот осминафинален дуел од Лигата на шампионите. 

Голот на Австриецот во 78. минута се покажа како единствен во меч во кој Интер доминираше. Сепак, „нероазурите“ постигнаа само еден гол во противничката мрежа и се ќе биде решено во реваншот на 13 март на „Ванда Метрополитано“.

Тоа беше само четврти гол за напаѓачот во кариерата во Лигата на шампионите и прв во нокаут-фазата. Австриец немаше постигнато гол против Атлетико на турнирот од 1970 година. Тоа беше втор последователен гол за Арнаутовиќ откако постигна гол и против Салернитана викендот.

Интер и Атлетико се сретнале само еднаш во историјата - финалето на Суперкупот на Европа во 2010 година, кое го добија Шпанците. 

„Нероазурите“ влегоа во осминафиналето завршувајќи на второто место во својата група, зад Реал Сосиедад. „Јорганџиите“ завршија први во групата со Лацио и Феенорд.

ПСВ Ајндховен одигра нерешено 1:1 против Борусија Дортмунд во првиот осминафинален натпревар од Лигата на шампионите на „Филипс“ стадионот.

Домашните беа понаметливи во првото полувреме, но имаа само еден прецизен удар, иако имаа повеќе можности од противникот. Германците од своја страна се истакнаа со три удари кон голот во првите 45 минути, а еден од нив влета во мрежата.

Негов автор беше Дониел Мален, кој шутираше и реализираше многу спектакуларно со помош на гредата. „Лалето“ не го заборави престојот кај „црвено-белите“ и од почит кон клубот не го прослави голот.

Десет минути по продолжението на натпреварот, ПСВ израмни од крајно скандалозен пенал. Матс Хумелс се проби и не успеа да ја расчисти топката од нозете на Малик Тилман, но овој се струполи во шеснаесетникот и судијата по телефонска консултација покажа на белата точка. Лук де Јонг ја чекаше оваа можност и израмни од пенал.

До крајот на регуларното време, двата тима повеќе беа во режим на чекање грешка на противникот отколку на победа.

Реваншот е на стадионот „Сигнал Идуна Парк“ во Дортмунд на 13 март.дс

Фото: УЕФА