Букурешт, 6 август 2024 (МИА) - Мирчеа Луческу стана нов селектор на романската фудбалска репрезентација. Ова го соопшти Фудбалската федерација на земјата на денешната прес-конференција.

Договорот на 79-годишниот специјалист со националниот тим е на две години. Главната цел на тренерот ќе биде да се квалификува за Светското првенство во 2026 година.

Луческу изјави дека неговата одлука да ја води романската репрезентација се должи исклучиво на љубовта кон фудбалот.

- Да бидам искрен, не сакав да ми понудат работа затоа што сакав да дојдат млади тренери. Не ми требаат пари или создавање на одреден имиџ, тие прекрасни моменти што ги доживеав ме натераа да работам во репрезентацијата, истакна селекторот.

Романскиот фудбалски стручњак се врати на оваа позиција 38 години по заминувањето. Ја предводеше Романија од 1981 до 1986 година на 57 натпревари. зс/

Фото: ЕПА