Минск, 7 јули 2020 (МИА) - Претседателот на Белорусија, Александар Лукашенко појде бос на интервју, односно по чорапи... Без чевли. Видеото е објавено на ТВ каналот Беларус 1. Гостувањето е по повод средбите на шефот на државата со рускиот претседател Владимир Путин. - Јас би ги почитувал оние кои чистат тука - ќе одам бос!, рече белорускиот претседател, обраќајќи им се на новинарите. Новинарот Алексеј Кривошеев сведочи дека за време на сите интервјуа, па и она направено од него самиот, Лукашенко бил бос. Некои од домаќините пак, овој потег го посочија како пример дека се работи за претседател - личност од народот.  си/