Локалните власти јавуваат за серија експлозии во Харков
- Според градоначалникот Игор Терехов, имало „најмалку пет“ експлозии во регионот.
![Локалните власти јавуваат за серија експлозии во Харков](https://new.mia.mk/index.php/images/20231230183724_big_730x400_42.webp )
Харков, 30 декември 2023 (МИА) – Руските сили попладнево го гранатирале украинскиот град Харков, кој е во близина на границата со Русија.
Според градоначалникот Игор Терехов, имало „најмалку пет“ експлозии во регионот.
Извештаите за гранатирањето следуваат по заканите на Русија дека ќе возврати по украинските напади врз градот Белгород, во кои загинаа 14 лица.
Харков и Белгород се оддалечени околу 80 километри, од двете страни на границата. јт/