Локализиран пожар во туристичката населба Абланица во Берово
- Локализиран е пожарот што денеска попладне избувна во близина на туристичката населба Абланица во Берово. Во гаснењето учествуваа екипи на ТППЕ Берово, кои спречија пожарот да ги зафати блиските кампови во близина на населбата.
![Локализиран пожар во туристичката населба Абланица во Берово](https://new.mia.mk/index.php/images/20240328172530_big_730x400_78.webp )
Берово, 28 март 2024 (МИА) - Локализиран е пожарот што денеска попладне избувна во близина на туристичката населба Абланица во Берово. Во гаснењето учествуваа екипи на ТППЕ Берово, кои спречија пожарот да ги зафати блиските кампови во близина на населбата.
Во пожарот, што според првични информации од надлежните, настанал од запалена сува трева, спречено е опожарување на два помошни објекти- плевни.
Локацијата на пожарот е кај месноста викана Макароновите плевни во населбата Абланица.
Од ТППЕ Берово апелираат до населението да не се пали оган на отворено поради присуство на големи наслаги од трева и силен ветар кои многу бргу можат да предизвикаат пожар од поголеми размери. вс/цр
Фото: МИА