Скопје, 22 ноември 2024 (МИА) - На околу еден километар од тунелите Демир Капија, вчера во 07.15 часот полициски службеници од Регионалниот центар за гранични работи Југ го лишиле од слобода Д.П.(37) од Богданци, откако во во близина на возилото кое го управувал биле пронајдени 10 лица мигранти.

- Во близина на возилото „ауди а6“ со штипски регистарски ознаки, кое го управувал, биле пронајдени 10 лица мигранти од Сирија. Претходно, тој бил забележан на автопатот „Пријателство“ после клучката Демир Капија, во правец на Гевгелија,  како со возилото ги превезува мигрантите. По преземени мерки и активности, возилото и мигрантите биле пронајдени, соопштија денеска од МВР

Мигрантите биле сместени во прифатно – транзитен центар во Гевгелија,  а Д.П. бил задржан во Полициската станица Неготино и против него, по брза постапка, е поднесена кривична пријава по член 418 – б од Кривичниот законик.

Од судија на претходна постапка му е одредена мерка притвор во траење од 30 дена. Д.П. е спроведен во Казнено  - поправната установа Затвор Скопје за издржување на мерката. цр/са/

Фото: МИА архива