Берлин, 24 февруари 2025 (МИА) - По распадот на „семафор коалицијата“, германските либерали (ФДП доживеаја тежок пораз на вчерашните парламентарни избори во Германија, по што нивниот лидер Кристијан Линднер најави дека ќе се повлече од политиката.

„Сојузните избори донесоа пораз за ФДП, но се надеваме на нов почеток за Германија. За тоа се борев. Сега се повлекувам од активната политика. Со само едно чувство: благодарност за речиси 25 интензивни, предизвикувачки години полни со дебата“, напиша Линднер на X.

Кристијан Линднер е претседател на ФДП повеќе од единаесет години и тоа секогаш го сметал за „привилегија и посебна обврска“, како што претходно изјави во Берлин.

Тој во германскиот Парламент (БУндестаг) беше речиси 25 години. Линднер е претседател на ФДП од крајот на 2013 година. Под негово водство, ФДП успеа да се врати во Бундестагот во 2017 година.

Во ноември тој беше разрешен од министерската функција од канцеларот Олаф Шолц (СПД) по спорот околу отплатата на германскиот долг. Со ова беше запечатен крајот на препознатливата „семафор коалиција“.

Освен Линднер, синоќа и потпретседтелот на ФДП Волфганг Кубицки најави дека ќе поднесе оставка од партијата доколку неговата партија не го мине прагот од пет проценти.сд/

Die Bundestagswahl brachte eine Niederlage für die FDP, aber hoffentlich einen Neuanfang für Deutschland. Dafür hatte ich gekämpft.

Nun scheide ich aus der aktiven Politik aus. Mit nur einem Gefühl: Dankbarkeit für fast 25 intensive, herausfordernde Jahre voller Gestaltung und… pic.twitter.com/UuT1jTUeRW

— Christian Lindner (@c_lindner) February 23, 2025