Ливерпул го совлада Тотенхем и постави нов рекорд во Премиер лигата
- Актуелниот европски шампион Ливерпул продолжува сигурно да чекори кон трофејот во домашното првенство. „Црвените“ вечерва го победија Тотенехм на гостински терен со 1:0 и поставија нов рекорд
![Ливерпул го совлада Тотенхем и постави нов рекорд во Премиер лигата](https://new.mia.mk/index.php/images/20221102120115_big_730x400_48.webp )
Лондон, 11 јануари 2020 (МИА) – Актуелниот европски шампион Ливерпул продолжува сигурно да чекори кон трофејот во домашното првенство. „Црвените“ вечерва го победија Тотенехм на гостински терен со 1:0 и поставија нов рекорд во Премиер лигата.
Ливерпул по 21 натпревар освои 61 бод и го сруши досегашниот рекорд на Манчестер сити од сезоната 2017/18 кога по 21 натпревар „граѓаните“ имаа 59 бода.
Голот вреден три бода на вечерашниот меч со Тотенхем го постигна Роберто Фирмино во 37.минута.
Табела: Ливерпул 61 бод (21 натпревар), Лестер 45 (22), Манчестер сити 44 (21), Челзи 39 (22), Манчестер јунајтед 34 (22),... зс/