Либан повторно ги отвори џамиите и црквите
- Либан, по речиси два месеца карантин, повторно ги отвори џамиите и црквите, под услов верниците да ги почитуваат мерките за физичка дистанца и ограничување на бројот на луѓе во нив.
![Либан повторно ги отвори џамиите и црквите](https://new.mia.mk/index.php/images/20221103202134_big_730x400_69.webp )
Бејрут, 10 мај 2020 (МИА) - Либан, по речиси два месеца карантин, повторно ги отвори џамиите и црквите, под услов верниците да ги почитуваат мерките за физичка дистанца и ограничување на бројот на луѓе во нив.
Пред да влезат, на верниците им се мери температура, а задолжителна е и дезинфекција на рацете.
Либан е земја со најголем процент христијанско население на Блискиот исток - од пет милиони луѓе кои живеат во оваа земја, третина се христијани.
Според универзитетот Џонс Хопкинс, од почетокот на епидемијата во Либан има 809 случаи на заразени со Ковид-19, а починати се 26 лица. паг/