Либан го забрани филмот „Барби“
- Министерот Мохамед Мортада е поддржан од моќната шиитска вооружена група Хезболах, чиј раководител Саид Хасан Насрала ја засили својата реторика против ЛГБТ-заедницата.
![Либан го забрани филмот „Барби“](https://new.mia.mk/index.php/images/20230810081921_big_730x400_33.webp )
Бејрут, 10 август 2023 (МИА) - Либанскиот министер за култура денеска забрани прикажување на филмот „Барби“ во кината во земјата, оценувајќи дека тој промовира хомосексуалност и сексуална трансформација и е против верските вредности.
Министерот Мохамед Мортада е поддржан од моќната шиитска група Хезболах, чиј раководител Саид Хасан Насрала ја засили својата реторика против ЛГБТ-заедницата, тврдејќи дека таа претставува непосредна опасност за Либан.
Насрала побара од властите во Либан да се преземат неопходните мерки за да се спречи прикажувањето на филмот. си/
Фото: МИА архива.