Милано, 12 декември 2024 (МИА) - Левото крило на Милан, Рафаел Леао ги кажа амбициите на тимот во Лигата на шампионите.

Милан синоќа ја совлада Црвена ѕвезда со 2:1 и направи исчекор кон пласман во осминафиналето на елитното фудбалско натпреварување.

Дваесет и петгодишниот Португалец го отвори резултатот на крајот од првото полувреме по додавањето на играчот од средниот ред Јусуф Фофана.

- Фофана е многу важен играч со кој одлично се согласувам. Тој знае дека кога имам простор, го правам овој потег. Топката беше совршена за гол, се што требаше да направам е да се справам со неа и веднаш да шутирам. Јас сум среќен. Сепак, победата е многу поважна. Милан сака да биде меѓу најдобрите во Европа, па ќе треба добро да се покажеме на претстојните натпревари, изјави Леао.

Милан е 12. во поредокот со 12 бодови по шест одиграни кола. зс/

Фото: ЕПА