Лавров повикува на проширување на Советот за безбедност на ОН
- Тој ги повтори и обвинувањата на Москва дека Западот, особено САД, се обидува да ги спречи Русија и Кина да дејствуваат независно во мултиполарен свет.
![Лавров повикува на проширување на Советот за безбедност на ОН](https://new.mia.mk/index.php/images/20230630120503_big_730x400_31.webp )
Москва, 30 јуни 2023 (МИА) - Рускиот министер за надворешни работи Сергеј Лавров повика на проширување на Советот за безбедност на ОН за да им се дадат повеќе претставници на азиските, африканските и латиноамериканските земји и да се стави крај на, како што ја нарече, западната доминација во светот.
- Поголемиот дел од светот не сака да живее според западните правила, изјави денеска Лавров.
Тој ги повтори и обвинувањата на Москва дека Западот, особено САД, се обидува да ги спречи Русија и Кина да дејствуваат независно во мултиполарен свет. мс/ми/
фото: ЕПА