Куќата на Елвис Присли се продава за 30 милиони долари
- Тоа го потврди и гласноговорничката на агенцијата „Хилтон и Хиланд“ којашто ја води продажбата.
![Куќата на Елвис Присли се продава за 30 милиони долари](https://new.mia.mk/index.php/images/20221104201054_big_730x400_65.webp )
Лос Анџелес, 17 септември 2020 (МИА) - Некогашната вила на Елвис Присли, со седум спални соби, рибник во дворот и традиционална јапонска чајџилница, се продава за скоро 30 милиони американски долари. Имотот се наоѓа во Лос Анџелес.
Куќата е ставена на продажба пред две недели по цена од 20 милиони долари, заедно со плацот во близина, кој чини 9,3 милиони долари. Тоа го потврди и гласноговорничката на агенцијата „Хилтон и Хајланд“ којашто ја води продажбата. Повеќе подробности за продажбата сè уште не се објавени, но гласините говорат дека вилата ќе им припадне на Рајан Хекмат и Јасмин Ларијан - сопствениците на модниот бренд Култ Гаја.
Другата куќа, исто така - во Лос Анџелес, во која живеел Елвис Присли, лани беше продадена за 25,5 милиони долари. си/