Куртовски во посета на градинката во Скудриње: Наша заложба е на најмладите да им ги обезбедиме сите услови
- Петта година по ред продолжува со работа детската градинка во долнореканското село Скудриње, општина Маврово и Ростуше, која функцонира во склоп на ЈУДГ „Брешија“ од Дебар.
![Куртовски во посета на градинката во Скудриње: Наша заложба е на најмладите да им ги обезбедиме сите услови](https://new.mia.mk/index.php/images/20221113213356_big_730x400_33.webp )
Дебар, 5 септември 2022 (МИА) - Петта година по ред продолжува со работа детската градинка во долнореканското село Скудриње, општина Маврово и Ростуше, која функцонира во склоп на ЈУДГ „Брешија“ од Дебар.
Денеска градинката во Скудриње ја посетија градоначалникот Медат Куртовски и директорката на „Брешија“, Ајрије Дачи, кои поминаа пријатни мигови со најмладите.
Годинава се опфатени дванаесет дечиња од село Скудриње, а како и секоја годна така и оваа, општината донира потребни материјали и средства за подобро организирање на активностите на децата во градинката.
Детската градинка во Скудриње, која е прва и единствена во оваа општина, почна со работа во октомври 2018 година, благодарение на залагањето на градоначалникот Куртовски и досега се опфатени над 60 деца.
-Наша заложба е на најмладите да им ги обезбедиме сите услови за социјализација и образование, да им помогнеме во секој поглед, во рамки на можностите. Настојуваме клонови на дебарската градинка да има и во други поголеми средини во општината а за првпат годинава на сите 35 првачиња им доделивме по 3.000 денари еднократска помош, покрај училитшен прибор. Веќе пет години по 5.000 денари доделуваме и за секое новороденче, рече Куртовски. вт/свс
![thumbnail_FB_IMG_1662388571225](/articles/images/%d0%ba%d1%83%d1%80%d1%82%d0%be%d0%b2%d1%81%d0%ba%d0%b8-%d0%b2%d0%be-%d/BOet56ARr/placeholder.webp?use_watermark=0)