Куманово и Делта најуспешни на атлетскиот Куп на Македонија 2024
- Делта од Скопје и Куманово се победници на Купот на Македонија за сениори и сениорки организиран од страна на Атлетската Федерација на Македонија викендот во Скопје.
![Куманово и Делта најуспешни на атлетскиот Куп на Македонија 2024](https://new.mia.mk/index.php/images/20240708104708_big_730x400_32.webp )
Скопје, 8 јули 2024 (МИА) – Делта од Скопје и Куманово се победници на Купот на Македонија за сениори и сениорки организиран од страна на Атлетската федерација на Македонија викендот во Скопје.
На ова првенство учество зедоа повеќе од 20 клубови и 120 Атлетичари кои се бореа за престижот победник на Купот на Македонија, натпреварување кое по карактер е Екипно Првенство на кое атлетичарите и атлетичарките согласно остварените резултати и исполнетите норми собираат бодови кои ќе им послужат за што повисоко рангирање на своите клубови.
Севкупен победник на Купот на Македонија за 2024 година е Атлетскиот Клуб Делта од Скопје, за кого ова е 4-та освоена титула од ова натпреварување.
Најдобрите клубови во машка и женска конкуренција се:
Кај сениорки:
1. место со 410 бодови АК Куманово
2. место со 293 бодови АК Делта
3. место со 274 бодови АК 7ми Мај
Кај сениорите:
1. место со 939 бодови АК Делта
2. место со 517 бодови АК Куманово
3. место со 279 бодови АК 7ми Мај
Севкупен екипен пласман на прворангираните три екипи:
1. место со 1232 бодови АК Делта
2. место со 927 бодови АК Куманово
3. место со 553 бодови АК 7ми Мај. зс/
Фото: АФМ