Крушево ќе биде домаќин на бизнис-саем со домашни и странски компании
- На 30 и 31 јули во Крушево ќе се одржи бизнис-саем на кој се очекуваат компании од Балканот и пошироко. Саемот го организира агенцијата за маркетинг „Еуростеп“ во соработка со Општина Крушево
![Крушево ќе биде домаќин на бизнис-саем со домашни и странски компании](https://new.mia.mk/index.php/images/20221112172119_big_730x400_24.webp )
Крушево, 13 април 2022 (МИА) - На 30 и 31 јули во Крушево ќе се одржи бизнис-саем на кој се очекуваат компании од Балканот и пошироко. Саемот го организира агенцијата за маркетинг „Еуростеп“ во соработка со Општина Крушево.
Крушевскиот градоначалник Томе Христоски оствари средба со организаторите на саемот и истакна дека ова е голема шанса за бизнис-секторот и за инвестирање во Крушево.
- Крушево веќе се препознава како туристички активно место, а започнуваме и со организација на саеми. Ова е можност за локалниот бизнис-сектор да оствари контакт за проширување на услугите и на пласманот на производите, но и Крушево да се промовира како дестинација за инвестирање, рече Христоски.
Тој најавува средба со бизнис-секторот на 19 април за да се запознаат со концептот на организирање на саемот и за воспоставување комуникација со други домашни и странски компании. ем/фф/
![Томе Христоски](/articles/images/%d0%ba%d1%80%d1%83%d1%88%d0%b5%d0%b2%d0%be-%d1%9c%d0%b5-%d0%b1%d0%b8%d/L1hAIZw3k/placeholder.webp?use_watermark=0)