Кривична против тетовец осомничен за „убиство во обид“ и „бегство на лице лишено од слобода“
- На 12 јануари на автопатот „Пријателство“, додека бил вршен спровод на пријавениот, осудено лице, од Казнено-поправната установа Идризово до Комплексот клиники „Мајка Тереза“- Скопје, тој одзел службен пиштол од вработен во затворската полиција и испукал еден проектил, со кој го ранил.
![Кривична против тетовец осомничен за „убиство во обид“ и „бегство на лице лишено од слобода“](https://new.mia.mk/index.php/images/20230504170513_big_730x400_63.webp )
Скопје, 4 мај 2023 (МИА) - СВР Скопје поднесе кривична пријава против Б.М., на возраст од 37 години, од Тетово, поради постоење основи на сомнение за сторени кривични дела „убиство во обид“ и „бегство на лице лишено од слобода“, информираат попладнево од Министерството за внатрешни работи.
- На 12 јануари на автопатот „Пријателство“, додека бил вршен спровод на пријавениот, осудено лице, од Казнено-поправната установа Идризово до Комплексот клиники „Мајка Тереза“- Скопје, тој одзел службен пиштол од вработен во затворската полиција и испукал еден проектил, со кој го ранил. Притоа, службеното возило застанало, а пријавениот излегол од возилото и влегол во патничко возило „ауди“ без регистарски ознаки и заминал, појаснуваат од МВР. бд/лв/
Фото: Архива